طرق عصرية تنطرد بيها من اى مدرسة

عزيزي الفاشل عزيزتي الفاشلة الآن يمكنكم بكل حماس .. الانضمام إلي نادي الفاشلين .. إلي أمنحكم من خلاله فرصة خيالية وبالمجان لتكون ذلك الفاشل المثالي الذي تمنيت أن تكونه يوما ما .. وفي هذا اليوم العظيم المليء بالفشل .. سوف أعطيكم صولجان الفشل الذهبي .. ولكن دعوني أولا أتسائل في عنف .. هل يحب أحدا من الدراسة والحياة الجامعية أو المدرسية بوجه خاص .. أتحدي أن يبدي أحدكم ذلك الإعجاب , القليل من الفتيات التي يعتقدن أن الدراسة وسيلة محبوكة وضعها القدر في طريقنا للخروج من سيطرة ذلك الكيان الهلامي الديكتاتوري المسمي البيت وعدم خروج البنات .. لذلك سوف أعطيك مجموعة من النصائح الذهبية حتى تتقن كيف تطرد من المدرسة وتحقق غايتك الكبرى ألا وهي ( السرمحة ) في الطرقات أو الذهاب إلي السينما .. أو الخروج في نزهة خاصة جدا .. مع أصدقائك .. ولنبدأ سلسلة هذة المقالات الان
1- هل تحب الالتزام بالطوابير .. أظن لا احد يحب ذلك , وعلي اعتبار الطابور شيء ممل وغير جدير بالحضور .. أعمل علي أن تستيقظ متأخرا .. فيفوتك ذلك الروتين اليومي الهام ... وعندها لن يتردد ناظر المدرسة في طردك علي ابسط تقدير أو لن يفتحوا لك باب المدرسة .. وتبقي ( جت منهم )

2- إذا فشلت هذه النصيحة ودخلت رغم كل ذلك .. اتبع هذه النصيحة فهي جيدة إلي حدا ما , ادخل الفصل وأنت رافع راسك ولا يهمك المدرس .. ( هما كانوا اشترونا يعني ) وتعامل بهذا المبدأ .. إذا سألك المدرس عن سبب التأخير وهذا وارد غالبا .. تجاهلة .. نعم تجاهلة .. (أنت لسه هتصدع دماغك بالرغي مع حد مش هيفهمك ) .. أو قول له .. كنت في مكتب سياحة بحجز تذكرة للصين .. وإذا سألك عن السبب قل له سوف أذهب للدراسة هناك .. إيمانا بمقولة .. أطلبوا العلم ولو في الصين .. صدقني سوف يحترمك أستاذك بشدة

3- حط رجلك على التختة وقول للمدرس أنشا لله منكونش أقطعناك يا أستاذ .. هتقولي أن مد رجلك علي التختة أدام الأستاذ عيب .. أقول لك .. أنت جاهل ..هتقولى لية .. هرد وأقول أنت مبتشوفش أفلام أجنبي عن المدارس اللي في أمريكا .. الواد يخويا يخش ويحط رجل علي رجل ويعمل ميت شقلباظ في الفصل ويكلم المزة اللي جنبه عادي جدا .. لكن الموضوع دا في مصر ح يديك فرصة مثالية للطرد .. وتبقي حققت اللي أنت عاوزة .

3- ممكن بسهولة تعيش الدور لو الأمثلة السالف ذكرها لم تحقق النجاح المطلوب خاصة إذا كان مدرسك من ذوات الدم البارد .. طلع علبة السجاير المارلبورو أو الكيلوباترا الأصيلة .. وأطلب من مدرسك يولع لك عشان كبريتك خلص .. هذا إذا كنت من محبي الإصابة بسرطان الصدر الجميل وتدخن .. وإن لم تكن .. جرب وأعملها برضة , وماتخافش مش هيجيلك السرطان عشان المدرس هيولع فيك قبل ما يولع السيجارة .. وهي حبة حروق من الدرجة الأولي أو الثانية وتعدي .. المراهم مرطرطة في الصيدليات يا عم

4- إذا نادى المدرس الأسماء ووصل عند اسمك قول لة بدلع .. أيوة يا فندي .. دي أسمي , طبعا أنت متوقع النتائج .. هو صحيح هيشك في أمرك حبتين .. لكن في النهاية هيطردك هيطردك أن مكنش من طريقتك في الكلام يبقي خوفا من الشبهات

5- اخبر المدرسين أن يتأخروا في الشرح ساعتين لأنك ما بتصحاش بدري .. عادي جدا الطلبة في المدارس الأمريكية والدول المتقدمة كلهم ممكن يقولوا لمدرسيهم كدا بكل صراحة .. ومدرسيهم بيرفضوا برضة بكل صراحة.. لكن هنا في ارض العراقة والتاريخ .. عارف هيحصل إيه .. هيطردك المدرس طبعا .. دا بعد أنهار الشتائم المقدسة التي سوف تسيل من فم مدرسك .. عادي وأنت فارق معاك حاجة الشتيمة بتلف تلف وترجع لصاحبها

6-خلى تلفونك المحمول يضرب كل خمس دقائق واستأذن المدرس أنها مكالمة خاصة .. طبعا هيقولك مافيش طالب بيفتح تليفونه المحمول في الفصل .. قول ومين قال كدا عادي جدا مستني ميسد من الناظر عشان عاوزني تحت لأنة بيديني درس خصوصي .. وبكده تكون وديت الناظر في داهية وهتطرد كدا كدا لو مش من الفصل يبقي من المدرسة كلها

7- ارفع يدك وعندما يسمح لك المدرس باتكلم قول له:لا لا مافيش حاجة بهش الدبان يا أستاذ .. ممكن يصدقك عشان ناموسنا مالى المدارس .. ولو مافيش ناموس طلع المسطرة وأقعد كأنك بتحارب الجيوش يمين وشمال ومافيش مشاكل تضرب مدرسك مسطرة أو أتنين وحجتك معاك .. بطارد الناموسة ..أنت متفرجتش علي مدرسة المشاغبين أبدا ‍‍‍‍‍‍‍‍‍‍‍‍‍‍؟‍‍‍‍‍‍‍‍

8- عندما يحين وقت مغادرة المدرسة وعندما يضرب الجرس أسأل مدرسك أي سؤال في المنهج ولما يحاول المدرس الإجابة علية تجاهله واطلع من الفصل .. عادي بقي احترام اية يا عم .. وبكدا هتضمن أن المدرس دا كل حصة هيطردك ,وهي ساعة ألا ربع كويسة برضة لو عندك ماتش كورة في السريع .

9- اخبر مدرسيك قبل الامتحان انك مريض وعندك القلب وفشل كلوي حتى يحدد
لك الامتحان من الكتاب ولا يتعبك من المذاكرة , وحرض واحد زميلك يقوله انك كذاب وبتضحك علية .. ساعتها .. ولا بلاش نقتصر ونقول هيطردك .

10- بدون مقدمات ابتسم في الفصل ثم اضحك ولم الأستاذ يسألك بتضحك علي اية يا حيوان .. قل له وأنت مالك يا أستاذ .. صدقني أنا بتمنى لك كل الصحة والقوة علي تحمل رد فعل الأستاذ قبل ما يطردك .


اى خدعه بقي اديني اديتكاو النصايح التمام وبكده تكون قد ربحت معانا عضويه فى شلة الفاشلين المجتدهدين
لرئيستها وزعيمتها
انا

منقول

يحرئك
خخخخخخخخخخ
انتى فاشلة وربنا
ههههههههههههههههههههههههههههههههههههههههههه
انا يختى بحب الدراسة
هههههههههههه هئ

يابنتى والله حولت معاهم حاجات كتير جدا وانهم يرفدونى مفيش
عالم باردة ماعلينا
يحرئك نورتى
ههههههههههههههههه هئ